Ոտնաթաթի մասնագիտացված խնամք՝ պոդոլոգիկ ծառայություններ
Խորհրդատվություն
Հավատարիմ մնալով մեր կարգախոսին՝ անհատական մոտեցում յուրաքանչյուր խնդրին, «Պլանտա Սանա» պոդիատրիկ կենտրոնում՝ մասնագիտացված օրթոպեդիկ խանութ-սրահին կից, մենք առաջարկում ենք նաև հետևյալ օրթոպեդիկ պարագանների անհատական մոդելավորում և պատրաստում բարձրորակ նյութերից՝ նախատեսված հենց Ձեր կարիքների համար: Օրթոպեդիկ պարագայի պատրաստումից առաջ կատարվում է բժիշկ-օրթոպեդի խորհրդատվություն, իսկ անհրաժեշտության դեպքում նաև համակարգչային բարոմետրիկ պլանտոգրոֆիա:
Օրթեզների պատրաստում
«Պլանտա Սանա»-ում ՊԵՏՊԱՏՎԵՐՈՎ տրամադրվում են ՕՐԹԵԶՆԵՐ՝
- Մինչև 18 տարեկան երեխաներին
- Հաշմանդամություն ունեցող անձանց
Օրթեզները պատրաստվում են միայն՝
- Բժիշկ֊օրթոպեդի ԱՆՎՃԱՐ խորհրդատվությամբ և անմիջական վերահսկողությամբ
- Անհատական չափագրմամբ՝ հաշվի առնելով ախտաբանական վիճակի բնույթը, ուղեկցող հիվանդությունների և վերքերի առկայությունը, բժշկի կողմից նշանակված օրթեզի կրման նպատակը, դեֆորմացիայի շտկման հատվածը և չափը
- Բարձրակարգ մասնագետների կողմից
- Միայն որակյալ ու անվնաս եվրոպական արտադրության բժշկական նյութերով
- Գործում է երաշխիքային անվճար սպասարկում
Օրթոպեդիկ ներդիրների պատրաստում
Ինչպե՞ս ազատվել ոտնաթաթերի կրնկային և այլ հատվածների ցավերից, խրոնիկ հոգնածության զգացողությունից, կանխարգելել հարթաթաթությունը և ոտնաթաթերի այլ դեֆորմացիաներ: Այս խնդիրները կարելի է լուծել՝ ընդամենը օգտագործելով Ձեզ համապատասխան օրթոպեդիկ ներդիրներ:
Ի՞նչ դեր են կատարում օրթոպեդիկ ներդիրները՝
- Ապահովում են ոտնաթաթերի ճիշտ դիրքը կոշիկի մեջ
- Բեռնաթափում են ոտնաթաթերի գերծանրաբեռնված հատվածները
- Վերականգնում են ոտնաթաթերի ֆունկցիոնալությունը և ճիշտ բիոմեխանիկան
- Տալիս են հարմարավետության զգացողություն երկարատև քայլքի ժամանակ և ուղղահայաց դիրքում
Օրթոպեդիկ ներդիրները նրանց համար են, ովքեր ունեն ՝
- Խրոնիկ ցավեր և հոգնածություն ոտքերում
- Տարբեր աստիճանի ստատիկ դեֆորմացիաներ՝ հարթաթաթություն
- Կրնկային խիթեր («шпора»), պլանտար ֆասցիտ
- Ոտնաթաթերի սխալ դրվածքներ, այլ դեֆորմացիաներ
- Մատների դեֆորմացիաներ, Հալլուքս Վալգուս («կոճ»)
- Ոտքերի երկարության տարբերություն
- Շաքարային դիաբետ, դիաբետիկ նեյրոպաթիա, դիաբետիկ ոտնաթաթի սինդրոմ
- Ոտնաթաթերի ներբանների կոշտուկներ, վերքեր, խոցեր
- Ստորին վերջույթների լիմֆոստազ, վարիկոզ հիվանդություն
